1996 yil 16 sentyabrda O`zbekiston Respublikasi Oliy va o`rta maxsus ta'lim vazirligining "Oliy va o`rta maxsus o`quv yurtlarida ma'naviy va ma'rifiy ishlarni yanada takomillashtirish to`g`risida"gi buyrug`i e'lon qilindi. SHundan so`ng institut rektorining 1997 yil 13 yanvar 12-SH buyrug`iga asosan avval tarbiyaviy ishlar bo`yicha prorektor lavozimida ishlab kelayotgan professor H.H.SHermatov ma'naviyat va ma'rifiy ishlar bo`yicha prorektor lavozimiga tayinlandi.
       Institutda ma'naviyat va ma'rifat bo`limi tashkil etilib, dotsent K.Matyoqubov bo`lim boshlig`i, o`qituvchi M.Haydarov uslubchi vazifasiga tayinlandilar.1997 yil 25 sentyabrdan boshlab I.Samadjonov bo`lim boshlig`i, o`zbek tili va adabiyoti o`qituvchisi M.Oxunova esa uslubchi lavozimida ish boshladilar.
       1997 yil sentyabr oyidan boshlab professor A.K.Karimov ma'naviyat va ma'rifat ishlari bo`yicha birinchi prorektor lavozimiga tayinlandi. 1998 yil iyun oyidan A.Mahammetova bo`lim uslubchisi lavozimiga ishga qabul qilindi.
       O`tgan qisqa davr ichida prorektorlarning sa'y-harakatlari bilan ma'naviyat va ma'rifat bo`limi uchun alohida xona ajratilib, videoikkilik, magnitofon, zaruriy adabiyotlar, respublika va viloyat gazeta-jurnallarining taxlamlari bilan to`la jihozlandi.
       Shu davr mobaynida bo`limda professor-o`qituvchilar hamda talaba-yoshlarning ma'naviy-ma'rifiy salohiyatini yuksaltirishga, jamoada milliy istiqlol g`oyasini keng targ`ib etishga alohida e'tibor berildi, ko`plab ma'naviy-ma'rifiy tadbirlar o`tkazildi. Institutning iste'dodli talaba-yoshlaridan iborat jamoasi "Quvnoqlar va zukkolar" ko`rik-tanlovida viloyat oliy o`quv yurtlari o`rtasida har yili birinchilikni qo`ldan bermadi.
       2000 yilda Farg`ona vodiysidagi barcha oliy o`quv yurtlari o`rtasida o`tkazilgan ko`rik-tanlovda birinchi o`rinni qo`lga kiritgan institutning "SHifokor" jamoasi Respublika birinchiligida qatnashish huquqini qo`lga kiritib, respublika bosqichida faxrli 2-o`ringa sazovor bo`ldi. Dotsent I.Sattiboev 2002 yilda bo`lim boshlig`i etib tayinlandi.
       Professor A.Q.SHodmonov 2002-2004 yillari ma'naviyat va ma'rifat masalalari bo`yicha 1-prorektor lavozimida ishladi.
       2004 yili ushbu lavozimga professor M.M.Yo`ldoshev tayinlandi.
       2005 yildan to hozirgacha ma'naviy-ahloqiy tarbiya ishlari bo`yicha 1-prorektor lavozimida professor H.T.Musashayxov faoliyat yuritmoqda.
       2005 yil sentyabr oyidan bo`limga D.Nazarova boshliq etib tayinlandi.