Malakaviy amaliyot bo`limi institut tashkil topgan yildan buyon faoliyat ko`rsatib kelmoqda. SHu davr ichida N.S.Ezdakova, M.A.Azizov, M.D.Oripov, V.G.Suxoterin, O.S.Salohitdinov, L.K.Qosimov, M.N.Nizomov, A.M.Mehmonov, H.T.Musashayxov, K.A.YUsupovlar bo`lim boshlig`i, N.V.Golovey, J.V.SHteyingauerlar esa bo`lim boshlig`i urinbosarlari sifatida tibbiy amaliyot ishtirokchilari bulgan talabalarga o`zlarining qimmatli maslahatlarini beribgina qolmay, bo`limning rivojlanishiga xam katta hissa qo`shganlar. Malakaviy amaliyot bo`limi institutning asosiy bo`limlaridan bo`lib, talabalarning o`qish jarayonida olgan nazariy bilimlarini amaliyotda qo`llashni o`rgatadi. Har bir kurs talabasi o`tashi shart bo`lgan tibbiy amaliyotga raxbarlik kiluvchi ushbu bo`lim faoliyati serkirra va mas'uliyatlidir.
       Malakaviy amaliyot bo`limi zamonaviy jihozlangan, yangi o`quv texnologiyalaridan samarali foydalangan holda faoliyat ko`rsatib kelmoqda. Bo`lim bugungi kunda nafaqat Farg`ona vodiysi shaxar va tumanlari, balki Toshkent, Samarqand, Buxoro viloyatlaridagi shaxar va tumanlar soglikni saklash muassasalari bilan hamkorlik aloqalari urnatgan. Hozirda ushbu bo`limni malakali shifokor, tibbiyot fanlari nomzodi, dotsent Abdurashid G`anievich G`aniev boshqarib kelmoqda.