Andijon Davlat Tibbiyot instituti qoshidagi "Axborot - resurs markazi" O`zbekiston Respublikasi Prezidentining 2006 yil 20 iyundagi PQ - 381 - sonli "Respublika aholisini Axborot - kutubxona bilan ta`minlashni tashkil etish to`g'risida"gi qarori asosida institut kutubxonasi bazasida tashkil etilgan.
     ADTI "Axborot - resurs markazi" (ARM) foydalanuvchilarga axborot kutubxona xizmati ko`rsatishni zamonaviy talablar asosida talkil etish va o`z faoliyatini axborot kommunikatsiya texnologiyalari imkoniyatlariga tayangan holda ildam zamonaviylashtirish bilan yuksak madaniy kutubxona xizmati ko`rsatish tizimini shakllantirish, axborot ma`lumotlarini foydalanuvchilarga etkazish, axborot resurslarni foydalanuvchilar talablari asosida masofaviy olish va etkazish shakllaridan foydalanish bilan axoli extiyojini qondirish, shuningdek, keng foydalanuvchilar ommasiga internet halqaro tarmog'iga chiqish imkoniyatlari bo`yicha xizmat ko`rsatish, o`quvchi va talaba-yoshlar xamda ustoz-murabbiylar uchun Respublikamizda joriy etilgan Ziyonet ta`lim portalidan foydalanuvchilarga o`quv, ilmiy, badiiy, ommabop adabiyotlar bilan xizmat ko`rsatishdan tashqari yangiliklarni tezkor etkazish, matbuot va ommaviy axborot vositalari orqali tarqatilgan ma`lumot va yangiliklarning elektron izchil foydalanishlariga qulay imkoniyatlar yaratishni maqsad qilgan.
     Andijon Davlat tibbiyot institut kutubxonasi 1955 yilda tashkil topgan. Kutubxonaga ajratilgan yer maydoni 520 kv. m.
     Kutubxona moslashmagan 4 ta kichik xonalarda joylashgan edi. Кitob fondi dastlab 10-15 mingdan iborat adabiyotlardan tashkil topgan.
     Кutubxonaga quyidagilar mudirlik qilganlar:
     1955 yildan - 1965 yilgacha - Каunbaev.
     1965 yildan - 1969 yilgacha - L.N. Illek
     1969 yildan - 1981 yilgacha - N.I. Еleskaya
     1981 yildan - 1987 yilgacha - L.R. Мaynakskaya
     1988 yildan xozirgi kungacha kutubxonaga M.S.Axmedova mudirlik qilib kelmoqda. Dastlab, talabalarga faqat uch kishidan iborat kutubxonachi xizmat ko'rsatgan bo'lsa bugungi kunda 33 nafar malakali mutahassislar faoliyat ko'rsatmoqda. Хozirda kutubxona 2 ta binoda, ya'ni institutning talabalar yotoqxonasida va yangi institut binosida, asosiy jamg'arma va bo'limlar eski binoda, o'quv zali hamda 1,2,3, kurs talabalariga xizmat ko'rsatish o'quv abonementi esa yangi binoda joylashgan.

     Institutda ilmiy tadqiqot ishlari olib borayotgan professor - o'qituvchilar, izlanuvchilar, tadqiqotchilar, aspirant, magistrant va iqtidorli talabalarning ilmiy mavzulardagi izlanishlarni olib borishlari uchun zarur bazani yaratish, ta`minlash uchun ARM da maxsus ilmiy - metodik bo'lim tashkil etilgan. Ilmiy bo'limda Respublikamiz va ayrim xorijiy davlatlarda chop etiladigan ilmiy nashrlar, davriy - ilmiy va ilmiy -tibbiy,ilmiy -uslubiy, ilmiy-ma`rifiy, ilmiy - ommabop jurnallar, axborotnomalar, tadqiqot ishlariga oid me`yoriy-xuquqiy xujjatlar to'plamlari, Nizomlar, institut professor-o'qituvchilari tomonidan nashr etilgan adabiyotlar, ularning elektron kompakt disklari mavjud . Xozirgi kunda doktorlik xamda nomzodlik dissertatsiyalari va aftoreferatlar, magistrlik dissertatsiyalari, talabalarning bitiruv malakaviy ishlarining qog'oz va elektron variantlari saqlanmoqda. Bo'limda Oliy attestatsiya komissiyasi dissertatsiyalar katalogidan foydalanish yo'lga qo'yilgan.
     Ilmiy bo'lim jamlanmalarida Respublika Prezidenti I.A.Karimovning Oliy Majlis xamda xalq deputatlari viloyat kengashi sessiyalarida, yil yakunlari va xorijiy safarlar vaqtida so'zlagan nutqlari mujassamlangan videoyozuvlar, kafedralar tomonidan yaratilgan noyob va kam nusxali adabiyotlarning elektron yozuvlari, aloxida fanlarga oid ishlab chiqilgan materiallarning SD-kompakt disklari mavjud.
     ARM ning elektron axborot resurs bazasini shakllantirish uchun yangi dasturlar joriy qilindi. Bu dasturlar axborot - resurs markazining yangi tizimini tashkiliy - uslubiy va texnologik jixatdan ta`minlash imkonini berdi.
     Ilmiy bo'lim manbalari bilan o'rta maxsus, kasb - xunar ta`limi va umumta`lim maktablarining o'quvchi - yoshlari, o'qituvchilarni xam masofaviy ta`minlashni amalga oshirish ko'zda tutilgan.

     ARM foydalanuvchilarining talabnomalari asosidagi bibliografik ma`lumotlarini topish zarur ma`lumotlarni foydalanuvchi istagiga ko`ra elektron va yozma variantlarda taqdim etish "Axborot - xizmati va marketing bo`limi" tomonidan amalga oshiriladi.
     Axborot - resurs markazining Ushbu bo'lim faoliyati axborotlarni turli xil shakllarda va turli guruhdagi foydalanuvchilarga etkazishga mo`ljallangan tashkiliy - yordamchi xizmatlar yo`lga qo`yilgan. Foydalanuvchilar talabi doimiy ravishda o`rganilib, undagi o`zgarishlar tendentsiyasi maxsus monitoringlar asosida qayd etib borilmoqda va extiyojlarni qondirish maqsadida amaliy tajribalar o`rganish tartibi joriy etilgan. Yuzaga kelgan extiyojlarni inobatga olgan holda foydalanuvchilarning ma`naviy extiyojlarini qondira oladigan zamonaviy taxsil olish uchun zarur vositalari yaratilgan.

     Axborot va yangiliklarni foydalanuvchilarga extiyojlari asosida shakllantirish va tarqatishga qaratilgan "Elektron axborot - resurs va adabiyotlar bo'limi" aholiga xizmat ko'rsatadi. O'quv zalida bir vaqtning o'zida 400 nafar kitobxonga xizmat ko'rsata oladi.
     Bo`limda axborot resurslardan erkin foydalanish, kitobxonlarni qiziqtirgan ma`lumotlarni tezkor, zamonaviy va texnologik usulda taqdim etish yo`lga qo`yilgan bo`lib, institutning 3000 nafar talabalari xamda 480 nafar professor - o`qituvchi va xodimlari bu xizmat turlaridan foydalanib kelmoqdalar. Bo`lim fondi kommunikativ (Komp'yuter, tarmoqi), magnit yozuvidagi (audio va video kassetalar fondi), raqamli (SD-disklar) va boshqa zamonaviy axborot vositalariga ega.
     Xozirgi kunda 1000 ga yaqin ma`ruza matnlari, xamda maxsus tayyorlangan majmualar, test savollari, elektron qo`llanmalar, elektron darsliklar, ichki internet tarmog'idan foydalanish mumkin. Asosiy kitob fondi kutubxona bibliografik klassifikatsiyasi asosida o`zbek va rus tillariga ajratilib joylashtirilgan.

     ARM faoliyatini tashkil etishning zamonaviy shakli bo`lgan "Axborot texnologiyalari bo`limi"da axborot - kommunikatsiya vositalari bilan ishlash ko`nikmasi va malakasiga ega bo`lgan, multmediya vositalari yordamida axborotlarni shakllantirish tajribasiga ega xodimlar faoliyat olib bormoqda.
     Bo`limda foydalanuvchilarning talab va extiyojlari asosida axborot resurslarga qayta ishlov berilib, turli tarmoqlar yordamida shakllantiriladi. Bo`limda internet, internet komp'yuter tarmoqi tizimlaridan foydalanish to`laligicha yo`lga qo`yilgan. Institut talabalari va xodimlari bu tizimlardan foydalanish malakasiga ega bo`lishlariga qaramasdan, boshqa toifadagi foydalanuvchilarga xizmat ko`rsatish maqsadida tizimdan foydalanishda yordam berish uchun maxsus malakali xodimlar biriktirilgan. Mazkur bo`limda kichik seminar yoki amaliy ishlarning natijalari yoritilgan ilmiy, o`quv mashg'ulotlarini o`tkazish sharoitlari yaratilgan.
     Shuningdek, bo`limda axborot resurslardan erkin foydalanish, kitobxonlarga zarur ma`lumotlarni tezkor taqdim etish imkoniyatlari mavjud. Komp'yuterlarning barchasi internet tarmog'iga ulangan bo`lib, foydalanuvchilar xalqaro miqyosdagi manbalarga, Axborot - kutubxona va Axborot - resurs markazlariga erkin murojaat qilishlari mumkin.

     Ushbu bo`lim markaz fondiga kelib tushayotgan va undan chiqib ketayotgan adabiyotlar xamda xujjatlarning umumiy jamlama va yakka tartibdagi xisobini yuritish, mavjud bo`linmalar jami fondining aniq xisobini amalga oshirishni ta`minlaydi. Bo`limda axborotlarni ma`lumotlar bazasida saqlashning, fondni kitobxonlar so`rovi asosida ta`minlash va Respublikadagi boshqa viloyat xamda oliy o`quv yurtlaridagi AKM, ARM lar bilan muvofiqlashtirilgan xolda keng aholi ommasi va talaba - yoshlarning kitobxonlik so`roviga ko`ra xizmat ko`rsatish yo`lga qo`yilgan.
     ARM ning axborot - kommunikatsiya texnologiyalariga asoslangan elektron katalog bazasida ayni paytda 800 dan ortik yozuv jamlangan. Mazkur katalogda integrallashgan axborot kutubxona tizimi yaratilgan bo`lib, bu tizim axborotlarni ma`lumotlar bazasida saklash asosida ishlaydi. Bu esa o`z navbatida xalqaro kitob almashinuvi, ya`ni kutubxonalar integratsiyasiga imkon bermoqda.
     Foydalanuvchilar internet tarmog'i elektron kataloglar va kutubxona bazasidagi ma`lumotlar asosida o`z savollariga to`liq javob olishlari mumkin.
     Bo`limda ARM ning mavjud Axborot - kutubxona fondi va foydalanuvchilarning to`liq ro`yxati ARM ning tegishli talablari va shakllari asosida elektronlashtirilgan bo`lib, xizmat ko`rsatish mazkur tartib va tizim orqali amalga oshirilmoqda.

     "Jamg'arma saqlash bo`limi" ARM ning yirik bo`limlaridan biri bo`lib, unda 309.226 nusha adabiyotlar jamlangan. ARM da axborot resurslari o`zbek, rus, ingliz, nemis kabi tillarda jamlangan. Davlat tilidagi adabiyotlar kollektsiyasi tarkibi jixatdan eng katta miqdorni egallaydi. Shuningdek, rus tilidagi adabiyotlar fondi xam tarkibi jixatdan boy bo`lib, ular ijtimoiy - siyosiy, gumanitar, tabiiy - ilmiy va texnika fanlariga oid nashrlardir. Ilmiy mazmundagi adabiyotlar fondda asosiy va muxim o`rinni egallaydi.
     Bo`limda gazeta va jurnallarning oxirgi 5 yillikdagi nashrlari to`liq saqlanmoqda. Bo`lim ish faoliyatini yanada takomillashtirish maqsadida zamonaviy texnologiyalardan foydalanishga alohida e`tibor qaratilgan. Bu esa adabiyotlarning elektron kataloglarini yaratishda, fondni xisobga olish va xisobdan chiqarishda, boshqa tarmoqlar bilan o`zaro bog'lanib, fondda mavjud bo`lmagan noyob va nodir adabiyotlarni topishda qulayliklar yaratmoqda.