Andijon Davlat tibbiyot instituti tashkil etilgan davrdan boshlab talabalar yotoqxonasi faoliyat ko`rsatib keladi.
       1962 -1963 yillarda 2 ta talabalar yotoqxonasi qurilib, 800 nafar talabaga yashash va o`qish sharoiti yaratildi. 1970 yilga kelib yana qo`shimcha 400 o`rinli, 1974 yilda 630 o`rinli yotoqxona binosi zamonaviy loyiha asosida qurilib, ishga tushirildi. Natijada ADTI talabalaridan 1830 nafari barcha qulayliklarga ega bo`lgan zamonaviy binolarda yashash va o`qish imkoniyatlariga ega bo`ldilar.
       Talabalar shaharchasi direktori lavozimida hizmat qilgan SH.A.Ahmedov, N.Salimov, X.Teshaboev, B.Z.Ruchanskiy, E.Matmusaevlar o`tgan davr mobaynida talabalar shaharchasi binolarini uzluksiz elektr energiyasi, ichimlik suvi, oqava, isitish va gaz tarmoqlari bilan ta'minlab, ularda o`rnatilgan jihozlarni soz va ishchi holatida tutib, binolarni o`z vaqtida ta'mirlab kelishgan.
       Har bir binoda oshxona, sanuzellar, cho`milish, kiyim tozalash, dam olish, o`quv xonalari mavjud.
       YOtoqxona binolarining atrofi obodonlashtirilib, manzarali daraxtlar va har xil gul ko`chatlari o`stirilgan. Madaniy dam olish uchun sport maydonchalari talabalar ixtiyorida.
       Hozirgi davrga kelib talabalar shaharchasida direktor lavozimida H.G`ulomov faoliyat ko`rsatib kelmoqda. 2-yotoqxona binosida litsey-internat talabalari yashab, o`qimoqdalar. Binoning 1-qavatida oshxona, 2-qavatida talabalar kutubxonasi faoliyat ko`rsatmoqda.
       2 - 5-yotoqxona binolarida yashayotgan talabalar uchun "Maishiy xizmat uyi", ma'naviy, axloqiy tarbiya xonalari, sartaroshxona, oshxona, dam olish xonalari, sanuzel, cho`milish xonalari, kir yuvish xonalari, novvoyxona, tikuv ustaxonasi, poyafzal ta'mirlash xonasi, suratxona, oziq-ovqat do`koni xizmat qilib kelmoqda. Tashqi hududda dam olish joylari, sport maydonchalari mavjud bo`lib, soya-salqin gulzorlar yaratilgan. Talabalar turarjoy binolari zaruriy, me'yoriy, qattiq va yumshoq jihozlar bilan ta'minlangan.
       Tinchlik va osoyishtalikni saqlash borasida zarur ishchi o`rinlari tashkil qilinib, posbonlar xizmat ko`rsatmoqdalar.
       Andijon Davlat tibbiyot instituti talabalari turarjoylarida bajarilgan ishlar, yaratilgan sharoitlar jihatidan viloyat oliy o`quv yurtlari orasida nufuzli o`rinni egallab kelmoqda.